Bókmenntagöngur
Bókmenntagöngur
Borgarbókasafn Reykjavíkur hefur boðið borgarbúum og gestum borgarinnar upp á bókmenntagöngur í höfuðborginni um árabil. Fyrsta gangan var farin árið 2003 og tóku 100 manns þátt í henni. Það var því augljóst frá upphafi að fjölmargir hafa áhuga á að kynnast íslenskum bókmenntum á þennan lifandi og skemmtilega hátt. Safnið hefur boðið upp á ljóðagöngur, þjóðsagnagöngur, skáldagöngur í Hólavallagarði, glæpasagnagöngur, barnabókmenntagöngur og svo mætti lengi telja.
Árið 2003 gerði safnið bækling um bókmenntagöngur í miðborginni á íslensku og ensku (Bókmenntaganga / A Literary Walking Tour). Þessir vegvísar gera fólki kleift að fara í sínar eigin göngur en njóta um leið þeirrar leiðsagnar og upplýsinga sem þar er að finna. Bæklingurinn er aðgengilegur á Borgarbókasafninu.
Rafrænar bókmenntagöngur
Nú hafa bókmenntagöngurnar verið færðar í rafrænt form svo fólk geti notið þessarar leiðsagnar hvenær sem hverjum og einum hentar. Göngurnar má hvort sem er skoða á vefnum eða hlaða niður í snjallsíma. Fyrstu tvær göngurnar eru enska gangan Literary Reykjavík, sem kynnir bókmenntir frá mismunandi tímum, og íslensk glæpasagnaganga með þátttöku nokkurra af okkar þekktustu glæpasagnahöfundum. Fleiri göngur munu síðar bætast við.
Göngurnar eru einnig aðgengilegar í Literary Reykjavík smáforritinu, sem hægt er að hlaða niður á 
iPhone og 
Android snjallsíma.