Málþing til heiðurs Guðbergi Bergssyni verður haldið laugardaginn 1. júní í tilefni af stórafmæli skáldsins. Á þinginu, sem fer fram í Hátíðasal Háskóla Íslands, verður sjónum beint að verkum Guðbergs í alþjóðlegu samhengi og sækir glæsilegur hópur erlendra fræðimanna, rithöfunda og þýðenda Ísland heim til heiðurs skáldinu en einnig munu íslenskir fræðimenn og rithöfundar taka þátt í dagskránni.

Meðal þess sem ber á góma eru þýðingar á verkum Guðbergs, fagurfræði hans og „leitin að landinu fagra“, samtal skáldskapar hans við verk yngri skálda og sá leiðangur sem list skáldsins hefur bæði tekist á hendur og fer með lesandann í.

Fyrirlesarar:

Ástráður Eysteinsson, prófessor við Háskóla Íslands
Ármann Jakobsson, rithöfundur og prófessor við Háskóla Íslands
Birna Bjarnadóttir, forstöðumaður íslenskudeildar Manitobaháskóla
Enrique Bernárdez, þýðandi og prófessor í málvísindum við Universidad Complutense í Madríd
Massiomo Rizzante, þýðandi og prófessor í bókmenntum við Universitá degli Studi di Trento
Colm Tóibín, rithöfundur og Mellon prófessor í deild ensku og samanburðarbókmennta við Columbia University
Eric Boury, þýðandi
Hans Brükner, þýðandi og myndlistarmaður
Luísa Costa Gomes, rithöfundur

Rithöfundapanell:

Eiríkur Guðmundsson
Haukur Ingvarsson
Kristín Ómarsdóttir
Oddný Eir Ævarsdóttir stjórnar umræðum

Að þinginu standa Stofnun Vigdísar Finnbogadóttur í erlendum tungumálum,  Íslenskudeild Manitobaháskóla, Reykjavík Bókmenntaborg UNESCO, Mennta- og menningarmálaráðuneytið, Utanríkisráðuneytið , Bókmennta- og listfræðistofnun Háskóla Íslands, Hugvísindastofnun Háskóla Íslands og Grindavíkurbær.

Sjá nánar á vefsíðu Að heiman og heim