Aðalsteinn Emil Aðalsteinsson

500 dagar af regni eftir Aðalstein Emil Aðalsteinsson og Þrír skilnaðir og jarðarför eftir Kristján Hrafn Guðmundsson eru tvö smásagnasöfn eftir nýútgefna höfunda sem hvor um sig hlutu Nýræktarstyrk Miðstöðvar íslenskra bókmennta. Þau eiga fleira sameiginlegt, sögurnar draga báðar upp svipmyndir af fólki í hversdagslegum aðstæðum þar sem gjarnan hvílir undir niðri einhver spenna. Höfundarnir nálgast þó efniviðinn á ólíkan hátt eins og greint verður frá.