Amma fer í sumarfrí

Útgefandi: 
Staður: 
Reykjavík
Ár: 
2006
Flokkur: 

Af bókarkápu:

Þegar litli bærinn hennar ömmu er laus við þjófa og ræningja ákveða amma og Óli að bregða sér í frí. En ekki er allt með felldu á sólarströndinni þar sem þau ætla að hvíla sig og fyrr en varir eru amma og Óli komin í æsispennandi eltingarleik við vasaþjófa.

Amma fer í sumarfrí er sólrík og skemmtileg saga fyrir upprennandi leynilöggur og aðra fjöruga krakka.

Úr Amma fer í sumarfrí:

„Amma, ég er svangur,“ másar Óli.

„Jæja,“ svarar amma, „ætli það sé ekki kominn tími til að tylla okkur og borða nestið. Vittu hvort þú sérð ekki eitthvert fallegt og notalegt ský sem við getum sest á.“

„Já en amma þó! Það er ekki hægt að sitja á skýjum!“

„Ekki það?“ svarar amma móðguð og hlammar sér niður á hvítan hnoðra. Óli sest hissa við hlið hennar. Auðvitað! Með ömmu er allt mögulegt. Það er komin nótt þegar þau koma á áfangastað. Óli sofnar um leið og þau lenda og amma heldur á honum inn á hótelið.