Gljáin

Höfundur: 
Útgefandi: 
Staður: 
Reykjavík
Ár: 
1990
Flokkur: 

Úr Gljáin:

Gljáin

Svart
 ekki svart

en sægrænn litur bakvið slikju svarta
og litur blóðs
yfir sjónbaug

þú gengur einn fram gljána bjarta

Kom inn kom inn

húsið með burstina dökku
blikar í straumi
og þytur blóðs
fyrir eyrum

snúið ofan af snældu - inn
þar líður tíminn líður
 í þeim langa draumi
kom inn kom inn

Dimmt
 ekki dimmt

organleikurinn hljómar -
reykblá fær rósalitinn
himinskálin
augu - eilítið skásett jaspisaugu

Dagnýjar snerta strengi sína og bumbur
 nú er blásið á sönglúðra
það skín í kollinn, ljósan kollinn
svolítið blóð í hárinu, svolítið blóð
sæl er hún Glóey og blessuð
Dögunardóttir

Nótt djúpa nótt, af dökkum straumi
þytur ljóðs í eyrum

nótt dimma nótt
hér líður tíminn líður
 í þeim ljósa draumi
dimma
djúpa nótt