Í ferðalagi hjá þér. Sögubók

Útgefandi: 
Staður: 
Reykjavík
Ár: 
1989
Flokkur: 

Úr Í ferðalagi hjá þér:

Margar konur setjast niður, taka í pilsin, setjast niður. Segja.
 Nú skalt þú tala.
 Nú skaltu segja okkur hvernig skólinn er.
 Nú skaltu segja okkur hvað kennarinn segir ykk- ur.
 Hefur hann sagt ykkur um Jesú Krist?
 Hefur hann sagt ykkur hvernig hann er?
 Hefur hann talað um guðsbörnin?
 Hvað segir hann um náttúruna?
 Vill hann eitthvað með hana?
 Segir hann að hún sé í guðs höndum?
 Hefur hann talað mikið um apa?
 Hvað segir hann um mennina?
 Segir hann eitthvað um mennina?
 Það þarf nú ekki að segja margt um mennina.
 Þeir eru hérna.
 Þei þei við verðum að spyrja barnið.
 Hvað segir hann um mennina?
 Hermennina?
 Kóngana og forsetana?
 Hún veit ekkert um þá.
 En þingmennina? Segir hann eitthvað um þá?
 Hún virðist ekki vita mikið um þá.
 Lögreglumennirnir, segi ég, hann sagði okkur frá lögreglumönnunum.
 Og hvað gera þeir?
 Halda lög og reglu og heita þess vegna lögreglu- menn.
 Mundu það.
 Það eru miklir menn en ekki eins miklir og þing- menn.
 Þeir halda þing og ræða málin.
 Ákveða hvað beri að gera.
 Lögreglumennirnir sjá um að það sé gert.
 En hvað segir kennarinn um matinn?
 Hefur hann sagt ykkur eitthvað um mjólkina og kjötið?
 Segir hann eitthvað sérstakt um það?
 Margar konur spyrja mig spurninga. Ég sit í miðjum hring. Horfi á þær.

(s. 15-16)