Krúsilíus og fleiri barnasöngvar

Krúsilíus og fleiri barnasöngvar
Útgefandi: 
Staður: 
Reykjavík
Ár: 
2006
Flokkur: 

Um bókina:

Barnalögin sem Anna Pálína og Aðalsteinn Ásberg gáfu út á geislaplötunum Berrössuð á tánum og Bullutröll eru hér saman komin í útsetningum Gunnars Gunnarssonar ásamt bókstafshljómum.

Úr bókinni:

Kannastu við köttinn minn?
Hann klókur er en besta skinn.
Hann er stærri en hestur
og stærri en hús.
Já, kötturinn minn heitir Krús- Krús- Krús- Krúsilíus.

Hann er gulur og grænn og blár
galdraköttur í húð og hár.
Og veit hvað hann syngur
og víst er það satt
að Krúsilíus hann á köflóttan hatt.
Krúsilíus.

Krúsilíus kynlegur er 
og klórar oft í tærnar á mér.
Hann vill aldrei fisk
er með væl og pex
og segist vilja súkkulaðikex.
Krúsilíus.

Og ekki nennir hann að elta mýs
því alla daga vill hann rjómaís.
Hann er alltaf að stækka
en enginn það sér
því Krúsilíus býr í kollinum á mér.
Krúsilíus.

(5)