Litli kall strikes again

Höfundur: 
Útgefandi: 
Staður: 
Reykjavík
Ár: 
2006
Flokkur: 

Bókin kom út í ritröðinni Norrænar bókmenntir sem Nyhil gaf út 2005 og 2006. Önnur skáld sem eiga bók í þessari ritröð eru Kristín Eiríksdóttir, Ófeigur Sigurðsson, Þórdís Björnsdóttir, Eiríkur Örn Norðdahl, Óttar G. Kristinsson, Valur Brynjar Antonsson, Haukur Már Helgason og Örvar Þóreyjarson Smárason.  

Steinar Bragi notar höfundanafnið Tinna Timian í þessari bók.

Úr Litli kall strikes again:

Í Kína er nú verið að leggja á ráðin um að Tævanir verði teknir í bakaríið og ég tel mikilvægt að fá inn í þá umræðu samanburð á heimsstyrjöldunum tveimur sem hafa verið áður og hófust með Franz Ferdinand erkihertoga (Whott??? ekki hljómsveitinni frá Glasgow???) og innrásinni í Pólland og að bera þær saman við yfirvofandi þriðju heimsstyrjöld sem ég held að hefjist bráðum í Tævan, sérstaklega Taipei, höfuðborginni hræðsla hræðsla ;o( Ef Unification Councillið var lagt af, eins og mig minnir, þá er að skoða fjárveitingar á fjárlögum, teknar af hernaðaruppbyggingu og vígbúnaði, úff! hættu að miða þessari byssu á hausinn á mér!!! Byssur eru mjög mismunanid milli þjóða og kannski býður eitthvað upp á slíkan mismun. Stríðshæfnin snýst ekki bara um byssur, hún snýst ekki síst um að orðspor þjóða sem bíður álitshnekki ojoj, voða vond þjóð alltaf í friði. Framundan eru breytingar til að auka réttláta reiði í öllum heiminum og ég vona að þjóð sem miðar 700 eldflaugum á aðra verði rólegri bráðum. Hvað getum við gert? Sem dæmi má nefna að ein leið sem hægt er að fara er að taka Filippseyjar enn kröftugar í bakaríið og veita aukafjármagni til stríðs á þeim forsendum. Öll Vesturlönd hafa gert slíkt en þar fá menn sem skjóta allt sem hreyfist ríkulegri fjárveitingar vegna byssusjónarmiða. Þetta er umræða sem við þurfum að fara í gegnum og finna leiðir til að efla réttláta árásargirni allra bæði í vestur og austur enn frekar (kraftur kraftur!! áfram áfram!!).

(17-18)