Ljósatími : Einskonar uppgjör

Útgefandi: 
Staður: 
Reykjavík
Ár: 
2003

Um bókina

,,Vísast er ég að eðlisfari félagslyndur einfari.... segir Sigurður A. Magnússon um sjálfan sig í þessu lokabindi ævisögu sinnar þar sem hann rekur viðburði áranna frá því um 1980 og til þessa dags. Í bókinni kynnumst við báðum hliðunum því hér er að finna frásagnir af mönnum og málefnum - fjarlæg lönd sem höfundur hefur sótt heim lifna á síðunum og rakin eru einörð afskipti Sigurðar af þjóðmálum. En í bókinni eru líka kyrrlátari kaflar einlægrar og óvæginnar sjálfskoðunar sem helst í hendur við mjög opinskáar lýsingar höfundar á samskiptum við konurnar í lífi sínu.

Með Ljósatíma lýkur ævisögu sem á naumast sinn líka í íslenskum bókmenntum. Þetta verk Sigurðar A. Magnússonar sem hófst með Undir kalstjörnu er skáldatími, aldarspegill og einstæð greinargerð um sálarlíf íslensks karlmanns á ofanverðri 20. öld.