Saga athafnaskálds : Þorvaldur Guðmundsson í Síld og fisk

Höfundur: 
Útgefandi: 
Staður: 
Reykjavík
Ár: 
1998

Af bókarkápu:

Þorvaldur Guðmundsson ólst upp í fátækt hjá einstæðri móður, en varð einn af mestu athafnamönnum síðari tíma og hæsti skattgreiðandi landsins um áratuga skeið. Hann var brautryðjandi í íslensku atvinnulífi á ótrúlega mörgum sviðum, lærði meðal annars ungur niðursuðu og setti á laggirnar fyrstu rækju- og humarverksmiðju landsins.

Lýðveldisárið 1944 kom Þorvaldur á fót sínu eigin fyrirtæki, Síld og fisk, sem hann var jafnan kenndur við, og fáum árum síðar stærsta svínabúi landsins á Minni-Vatnsleysu. Hann tók að sér að reka Leikhúskjallarann 1952, og varð brátt frumkvöðull í veitinga- og gistihúsarekstri, þegar hann stofnaði Lídó og reisti Hótel Sögu, Hótel Holt og Hótel Loftleiðir á sjötta áratugnum.

En athafnamaðurinn var jafnframt einstæður fagurkeri, byrjaði ungur að safna listaverkum og eignaðist stærsta listaverkasafn í einkaeigu hér á landi, þar á meðal um tvö hundruð myndir eftir Kjarval.