Við kvikuna: Örsögur frá Rómönsku-Ameríku

við kvikuna
Staður: 
Reykjavík
Ár: 
2020
Flokkur: 

 

Um bókina

Örsagan á sér langa hefð í í Rómönsku-Ameríku og Við kvikuna sýnir gróskuna og fjölbreytileikann sem hún hefur öðlast í meðförum rithöfunda álfunnar. 

Kristín Guðrún Jónsdóttir valdi sögurnar, þýddi og skrifaði inngang. Ritstjóri var Ásdís R. Magnúsdóttir. Útgefandi bókarinnar er Stofnun Vigdísar Finnbogadóttur í erlendum tungumálum og Háskólaútgáfan sér um dreifingu hennar.

Bókin er sýnisbók og geymir alls kyns sögur. Oft er stutt í húmorinn, háðið og fantasíuna, stundum vilja sögurnar bíta og koma við kvikuna. Í Hugvarpi – hlaðvarpi Hugvísindasviðs Háskóla Íslands má fá nasasjón af örsögum bókarinnar. Það eru þau Rebekka Þráinsdóttir og Jón Thoroddsen sem lesa. Sögurnar eru 156 talsins eftir 49 höfunda frá Rómönsku-Ameríku, sú elsta er frá 1893 og sú yngsta frá 2014.