Beint í efni

í fjarveru trjáa: vegaljóð

í fjarveru trjáa: vegaljóð
Höfundur
Ingunn Snædal
Útgefandi
Bjartur
Staður
Reykjavík
Ár
2008
Flokkur
Ljóð


Úr í fjarveru trjáa:

vestfirsk ævintýri

einu sinn voru þrír
risastórir vegagerðarmenn
sem ráku niður allar þessar
þriggja metra löngu stikur

ljónið sem sofnaði og
varð að fjalli fékk nafnið
Hestur til að fæla ekki
íbúana á brott

innst í Ísafjarðardjúpi
stendur hrörlegur
kastali sem undir
er botnlaus dýflissa

gegnum úrhellið kemur
gult skilti fljúgandi
og bendir í vestur
á þjóðveg 66

topptíu fossar

að minnsta kosti ekki
þessi Glymur sem allir eiga
að muna hvað heitir

fossar eru persónulegir
blautir fallgjarnir
freistandi
hver og einn verður að eiga
sína í friði

ég ætla að þegja yfir mínum


Sólheimasandur

lyktin venst ótrúlega fljótt
og berst raunar ekki mjög langt frá ánni

fyrir ofan veg endalausar lúpínugirðingar

fyrir neðan svört sandhúð með
gulum grófum grastoppum á stangli
eins og velski mótmælandinn á Kárahnjúkum
með hárbrúskana á kinnum

austar eru vegkantar vaxnir dularfullri rauðri jurt
flugvél er falin í sandi lengst út við sjó
ég er stödd í finnskri vegamynd
með mjög litlu tali

Fleira eftir sama höfund

Það sem ég hefði átt að segja næst: þráhyggjusögur

Lesa meira

Ljóð í Neue Lyrik aus Island

Lesa meira

Ljóð í Ny islandsk poesi

Lesa meira

Hrikalega skrýtnar skepnur : Skrautleg sæskrýmsli og aðrar lystisemdir

Lesa meira

Á heitu malbiki

Lesa meira

Guðlausir menn - hugleiðingar um jökulvatn og ást

Lesa meira

Ljóð í Pilot: Debutantologi

Lesa meira

Ljóð í God i ord

Lesa meira

Ljóð í Wortlaut Island

Lesa meira