Randi B. Noyes: Kunsten å lede seg selv. Þýtt úr norsku.
Úr Listin að lifa eigin lífi:
Um tilfinningagreind hefur verið fjallað með fræðilegum hætti. Árið 1990 birtu bandarísku sálfræðingarnir dr. John Mayer við Háskólann í New Hampshire og dr. Peter Salovey við Yale-háskóla tvær greinar þar sem þeir settu fram fyrstu fræðilegu skilgreininguna á tilfinningagreind. Samkvæmt Mayer og Salovey er tilfinningagreind sá hæfileiki manna að geta tengst tilfinningum. Hún er fyrst og fremst fólgin í því að kunna að bera kennsl á, skilja, bregðast við og stýra tilfinningum okkar með það fyrir augum að virkja hugsanir okkar betur og hafa með því áhrif á sjálf okkur og aðra.
Listin að stjórna eigin lífi hjálpar þér til að komast í samband við tilfinningagreind þína og beita henni. Ráðleggingar mínar grundvallast á því að „skilja og tengjast tilfinningum - samfara því að fá kraft frá þeim“, eins og dr. John Mayer kemst að orði. Aðferðirnar í þessari bók munu ekki einungis hjálpa þér að skilja hvað tilfinningagreind er, heldur líka að færa þér í nyt þá möguleika sem hún býður upp á. Hvort sem þú vilt verða meira skapandi, ánægðari í starfi, bæta persónuleg sambönd þín eða öðlast meiri sálarró - þá mun bókin kenna þér að tengjast tilfinningagreind þinni og lifa lífinu í samræmi við þína innri rödd.
(úr formála höfundar, s. 14)
