Af bókarkápu:
Ský fyrir ský er heildarsafn ljóða Ísaks Harðarsonar. Það dylst engum hvaðan þessi ljóð eru ættuð. Sum þeirra stök á flugi og oftar en ekki sérkennileg í laginu, skondin og glaðleg tilsýndar. En oft má líka sjá þau hrannast upp svo ský ber fyrir ský í ótal tilbrigðum, leiftur blika og þungir bakkar minna á að óveður er í aðsigi. Hér getur að líta einstakt himnaspil.
Andri Snær Magnason ritar inngang.