Beint í efni

Snjór í myrkri

Snjór í myrkri
Höfundur
Sigurjón Magnússon
Útgefandi
Ugla
Staður
Reykjavík
Ár
2014
Flokkur
Skáldsögur

Um bókina:

Yfir minningunni um tónlistarkonuna Lillu grúfir dimmur skuggi. Eftir stuttan en glæsilegan feril finnst hún myrt á hrottafenginn hátt. Lítt þekktur rithöfundur fær það verkefni að skrifa ævisögu hennar. Kvöld eitt verður á vegi hans ung kona sem býr yfir óþægilegri vitneskju ...

Úr Snjó í myrkri:

Haraldur átti í orðaskaki við tvo menn en fylgdi mér umyrðalaust til baka. Og var hinn spakasti í jeppanum á heimleiðinni.

En um nóttina dró til tíðinda.

Ég veit ekki hverjir af ferðafélögunum vöktu áfram eftir að í húsið var komið. Einhverjir þó. Ég bauð hins vegar góða nótt og gekk til náða. Þá var klukkan eitt.

Það var svo undir morgun að ég vaknaði við brothljóð og spratt á fætur. Fyrst datt mér í hug snjóflóð – kannski vegna þess að ég hef heyrt að rúður spryngi þegar þau falla. En vitaskuld lenda engin snjóflóð inni í kaupstaðnum. Ég lagði við hlustir. Hagl hrundi á gluggann eins og um kvöldið. Það var eina hljóðið sem ég greindi þá stundina.

Ég dreif mig í föt og hraðaði mér niður. Á hæðinni var þögn og ljósin slökkt. Nema á vegglampa í stofunni .Og því var skrýtið a ég skyldi ekki strax sjá Harald. Á sófaborðinu og skenknum voru flöskur og glös. Karlmannsjakki lá á stólbaki. Nei, þarna var ekkert sem skýrt gat brothljóðið, og ég snerist á hæli. En smávægileg hreyfing fangaði skyndilega athygli mína svo ég leit við.

Og þá sá ég hann.

(20-1)

Fleira eftir sama höfund

Hér hlustar aldrei neinn

Lesa meira

Endimörk heimsins: frásögn hugsjónamanns

Lesa meira

Gaddavír

Lesa meira

Góða nótt, Silja

Lesa meira

Borgir og eyðimerkur: Skáldsaga um Kristmann Guðmundsson

Lesa meira

Dauðavegir

Lesa meira

Morðingi um borð

Lesa meira

God natt, Silja

Lesa meira

Útlagar

Lesa meira