Íslenskir handhafar bókmenntaverðlauna Evrópusambandsins

Merki Bókmenntaverðlauna Evrópuráðsins

Bókmenntaverðlaun Evrópusambandsins eru á vegum Skapandi Evrópu – fjármögnunarverkefni Evrópusambandsins vegna hinna skapandi og menningarlegu greina. Verðlaununum er „ætlað að sýna nýjustu og bestu upprennandi rithöfundum í Evrópu sóma“ svo vitnað sé beint í framkvæmdastjóra Evrópusambandsins um menntun, menningu, fjöltyngi og æskulýðsmál.

Þátttökuríki í Skapandi Evrópu eru 36 talsins, þar með talið öll aðildaríki Evrópusambandsins; auk umsóknarríkjanna Albaníu, Bosníu og Hersegóvínu, Lýðveldinu Makedóníu, Serbíu, Svartfjallalands og Tyrklands; og loks EES-landanna Íslands, Noregs og Liechtenstein. Þessum mikla hóp er skipt í þrennt svo að á hverju ári er tilkynnt um sigurvegara eins þriðja ríkjanna (12-13 ríkja), þannig að hvert ríkjanna útnefni sigurvegara á þriggja ára fresti. „Íslandslotan“ er því einnig lota Bretlands, Búlgaríu, Grikklands, Hollands, Lettlands, Liechtenstein, Möltu, Serbíu, Svartfjallalands, Tékklands og Tyrklands. Þessi hópur hefur útnefnt sína sigurvegara á árunum 2011, 2014 og 2017.

Verðlaunahafar hljóta að launum 5.000 evrur og eru auk þess hvattir til að sækja um þýðingarstyrki fyrir verðlaunabækurnar til Evrópusambandsins.

Íslenskir verðlaunahafar

2021

Sigrún Pálsdóttir: Delluferðin (JPV 2019)

 

2017

Halldóra K. Thoroddsen: Tvöfalt gler (Kind, 2015)

Tilnefningar

Dagur Hjartarson: Síðasta ástarjátningin (JPV, 2016)

Dómnefnd: Tinna Ásgeirsdóttir (formaður), Helga Ferdinandsdóttir og Oddný Eir Ævarsdóttir

2014

Oddný Eir Ævarsdóttir: Jarðnæði (Bjartur, 2011)

Dómnefnd: Auður Aðalsteinsdóttir (formaður), Hermann Stefánsson og Ófeigur Sigurðsson

2011

Ófeigur Sigurðsson: Skáldsaga um Jón & hans rituðu bréf til barnshafandi konu sinnar þá hann dvaldi í helli yfir vetur & undirbjó komu hennar & nýrra tíma (Mál og menning, 2010)

Dómnefnd: Auður Aðalsteinsdóttir (formaður), Aðalsteinn Ásberg Sigurðsson og Gyrðir Elíasson