Fimm mílur frá Ytri-Von
Lesa meira
Fimm mílur frá Ytri-Von
Það er einhver skemmtilega ævintýraleg stemning yfir sögu Nicolu Barker, Fimm mílur frá Ytri-Von. Reyndar minnir andrúmsloftið dálítið á aðrar Neon bækur bókaútgáfunnar Bjarts, eins og söguna af kínversku saumastúlkunni og belgíska ritaranum í Japan (Balzac og kínverska saumastúlkan eftir Dai Sijie og Undrun og skjálfti eftir Amélie Nothomb). Allar eiga þessar sögur sameiginlegt að vera fremur 'litlar' sögur af skrýtnum og skemmtilegum atburðum, sögur sem gleðja lesandann og lofa henni að skyggnast inn í líf og tilverur sem líklegast eru henni nokkuð ókunnugar.