Einmana prímtölur
Lesa meira
Einmana prímtölur
Einmanaleiki manneskjunnar hefur löngum þótt viðeigandi viðfangsefni skáldskapar. Þær sögur sem fjalla um félagslynt og félagslega fært fólk snúast yfirleitt um hversu einmana það sé í raun og veru, innan um fjöldann, enda hættir þeim sem hlægja hæst mest við þunglyndi. Þessi þörf fyrir að kafa ofan í einsemd manneskjunnar er í sjálfu sér forvitnileg og ef við gefum okkur að skáldskapurinn sé einskonar sneiðmynd af mannlegri tilvist þá er sú mynd sem blasir við hvorki björt né fögur.