Sögur verðlaunahátíð barnanna haldin í fyrsta sinn

SÖGUR – verðlaunahátíð barnanna fór fram í fyrsta sinn í Eldborgarsal Hörpu sunnudaginn 22. apríl. Um 2.000 börn á aldrinum 6-12 ára kusu þar sitt uppáhaldsefni á sviði tónlistar, bókmennta, sjónvarps og leikhúss, auk þess sem skapandi börn voru verðlaunuð.

Amma best eftir Gunnar Helgason hlaut Bókaverðlaun barnanna sem besta frumsamda bókin og Dagbók Kidda klaufa – furðulegt ferðalag eftir Jeff Kinney í þýðingu Helga Jónssonar var kosin besta þýdda bókin.

Sögusteininn, heiðursverðlaun IBBY á Íslandi, voru veitt rithöfundinum Guðrúnu Helgadóttur fyrir æviframlag sitt í þágu barnamenningar á Íslandi. Forseti Íslands hr. Guðni Th Jóhannesson afhenti verðlaunin.

Í flokki tónlistar var B.O.B.A. með JóaPé og Króla valið lag ársins en Daði Freyr og Gagnamagnið sigruðu í flokknum Tónlistarflytjandi árins og áttu einnig lagatexta ársins, Hvað með það? Blái hnötturinn var valinn besta leiksýningin og börnin í Bláa hnettinum voru kosin bestu leikarar og leikkonur ársins. Skólahreysti var kosin barnasjónvarpsþáttur ársins, Fjörskyldan hlaut verðlaun sem fjölskyldusjónvarpsþáttur ársins og loks var sjónvarpþáttaröðin Loforð valið besta leikna efnið í sjónvarpi eða kvikmyndum.

Þá voru sigurvegarar í sögusamkeppni KrakkaRÚV einnig verðlaunaðir á hátíðinni og úrval af smásögum barnanna kom út á rafbók hjá Menntamálastofnun og er aðgengileg á mms.is/sogur, lesendum að kostnaðarlausu.

Smásaga ársins

Bókavandræði – Árni Hrafn Hallsson

Bella og dularfulla mamman – Eyvör Stella Þeba Guðmundsdóttir

Leikrit ársins

Friðþjófur á tímaflakki – Sunna Stella Stefánsdóttir

Tölvuvírusinn – Iðunn Ólöf Berndsen

Leikritin sem báru sigur úr býtum verða sett upp í Borgarleikhúsinu og Útvarpsleikhúsinu á næsta leikári.

Útvarpsleikrit ársins

Stelpan sem læstist í skápnum – Silvía Lind Tórshamar

Stuttmynd ársins

Svandís og Ísak – Svandís Huld Bjarnadóttir, Ísak Helgi Jensson og Brynhildur Þöll Bjarnadóttir

Stuttmyndahandrit ársins

Þrjár óskir – Sara Einarsdóttir og Sóldís Perla Marteinsdóttir

 

Önnur verðlaun sem veitt voru: 

Bókaverðlaun barnanna – Besta þýdda bókin

Amma best - Gunnar Helgason

Dagbók Kidda klaufa – furðulegt ferðalag, Höfundur Jeff Kinney, þýð.: Helgi Jónsson.

Tónlistarflytjandi ársins

Daði Freyr og Gagnamagnið

Lag ársins

B.O.B.A. – JóiPé og Króli

Lagatexti ársins

Hvað með það? – Daði Freyr og Gagnamagnið

Leikið efni ársins

Loforð

Barnasjónvarpsþáttur ársins

Skólahreysti

Fjölskyldusjónvarpsþáttur ársins

Fjörskyldan

Leiksýning ársins

Blái hnötturinn

Leikari/leikkona ársins

Börnin í Bláa hnettinum

Sjónvarpsstjarna ársins

Jón Jónsson

Sögusteinninn - heiðursverðlaun Ibby á Íslandi

Guðrún Helgadóttir

 

Hvatningarverðlaun fyrir smásögur:

Gimsteinninn – Jakobína Lóa Sverrisdóttir og Vigdís Magnúsdóttir

Geimveran og vinir hennar – Sara Maren Jakobsdóttir

Hættuspil – Sölvi Martinsson Kollmar

Hliðarheimur ímyndunaraflsins – Kristján Nói Kristjánsson

 

Að hátíðinni stóðu SÖGUR – samtök um barnamenningu, í samstarfi við KrakkaRÚV, SÍUNG, IBBY á Íslandi, Barnamenningarhátíð Reykjavíkurborgar, Reykjavík bókmenntaborg UNESCO, Borgarbókasafnið, Borgarleikhúsið, Menntamálastofnun, Skóla- og frístundasvið Reykjavíkur, Hörpu og Miðstöð skólaþróunar við HA.

Hátíðin var send út í beinni útsendingu á RÚV og hægt er að horfa á hana í spilara RÚV.
SÖGUR er hluti af afmælisdagskrá 100 ára fullveldisafmæli Íslands.