Tilnefningar til Barna- og unglingabókaverðlauna Norðurlandaráðs

Barna- og unglingabókaverðlaun Norðurlandaráðs verða veitt á þingi Norðurlandaráðs í Osló í október 2018. Nú hefur dómnefnd verðlaunanna tilkynnt hvaða bækur eru tilnefndar í ár og voru þær kynntar á alþjóðlegu barnabókamessunni í Bologna á Ítalíu í dag, mánudaginn 26. mars. 

Frá Íslandi eru tilnefndar bækurnar Skrímsli í vanda eftir Áslaugu Jónsdóttur, Kalle Güettler og Rakel Helmsdal og Vertu ósýnilegur - Flóttasaga Ishmaels eftir Kristínu Helgu Gunnarsdóttur. 

Eftirtaldar tólf bækur eru tilnefndar í ár:

Danmörk

Lynkineser eftir Jesper Wung-Sung og Rasmus Meisler (myndskr.), Dansklærerforeningen, 2017
Hest Horse Pferd Cheval Love eftir Mette Vedsø, Jensen & Dalgaard, 2017

Finnland

Kurnivamahainen kissa eftir Magdalena Hai & Teemu Juhani (myndskr.), Karisto, 2017
Pärlfiskaren eftir Karin Erlandsson, Schildts & Söderströms, 2017

Færeyjar

Træið eftir Bárð Oskarsson, Bókadeild Føroya Lærarafelags, 2017

Ísland

Vertu ósýnilegur – Flóttasaga Ishmaels eftir Kristínu Helgu Gunnarsdóttir, Forlagið, 2017
Skrímsli í vanda eftir Áslaugu Jónsdóttur, Kalle Güettler & Rakel Helmsdal, Forlagið, 2017

Noregur

Ingenting blir som før eftir Hans Petter Laberg, Cappelen Damm, 2017
Alice og alt du ikke vet og godt er det eftir Torun Lian, Aschehoug forlag, 2017

Samíska málsvæðið

Joekoen sjïehteles ryöjnesjæjja eftir Anne-Grethe Leine Bientie & Meerke Laimi Thomasson Vekterli (myndskr.), Iđut, 2014

Svíþjóð

Fågeln i mig flyger vart den vill eftir Sara Lundberg, Mirando Bok, 2017
Norra Latin eftir Sara Bergmark Elfgren, Rabén Sjögren, 2017

Álandseyjar

Pärlfiskaren eftir Karin Erlandsson, Schildts & Söderströms, 2017

Verðlaunahafi tilkynntur 30. október

Verðlaun Norðurlandaráðs fyrir barna- og unglingabókmenntir verða afhent í Norsku óperunni þann 30. október 2018 þegar Norðurlandaráð þingar í Ósló. Þau nema 350 þúsund dönskum krónum.

Um barna- og unglingabókmenntaverðlaun Norðurlandaráðs

Verðlaunin voru veitt í fyrsta sinn á þingi Norðurlandaráðs árið 2013 um leið og önnur verðlaun ráðsins. Þau eru afhent að ósk menningarráðherra Norðurlanda sem vilja efla og vekja athygli á barna- og unglingabókmenntum Norðurlanda.