Tilnefningar til Maístjörnunnar 2019

Haukur Ingvarsson, Ásdís Ingólfsdóttir, Sigfús Bjartmarsson, Eva Rún Snorradóttir, Hólmfríður Matthíasdóttir og Linda Vilhjálmsdóttir

Tilnefningar til Maístjörnunnar vegna ljóðabókar útgefinnar 2018 voru kynntar við hátíðlega athöfn í Gunnarshúsi 29. maí. Maístjarnan, ljóðabókaverðlaun Rithöfundasambands Íslands og Landsbókasafns Íslands – Háskólabókasafns verða veitt í annað sinn í maí. Verðlaunin eru einu verðlaun á Íslandi sem veitt eru eingöngu fyrir útgefna íslenska ljóðabók, er þeim ætlað að hvetja skáld til að yrkja og koma ljóðum sínum í útgáfu.

Tilnefndar bækur og skáld eru:

  • Ásdís Ingólfsdóttir – Ódauðleg brjóst (Partus)
  • Eva Rún Snorradóttir – Fræ sem frjóvga myrkrið (Benedikt bókaútgáfa)
  • Gerður Kristný – Sálumessa (Mál og menning)
  • Haukur Ingvarsson – Vistarverur (Mál og menning)
  • Linda Vilhjálmsdóttir – Smáa letrið (Mál og menning)
  • Sigfús Bjartmarsson – Homo economicus I (MTH útgáfa)

Bækurnar eru allar til sýnis í anddyri Þjóðarbókhlöðunnar.

Til verðlaunanna eru gjaldgengar allar útgefnar íslenskar ljóðabækur ársins 2018 sem skilað var til Landsbókasafns Íslands – Háskólabókasafns og fékk dómnefnd þær til umfjöllunar.
Dómnefnd skipa Sveinn Yngvi Egilsson fyrir hönd Rithöfundasambandsins og Eva Kamilla Einarsdóttir fyrir hönd Landsbókasafnsins.

Verðlaunin verða veitt við athöfn í Þjóðarbókhlöðunni í maí. Verðlaunafé er 350 þúsund krónur.