Grasrótarsamstarf

Veggspjald Bókmenntaborgin Reykjavik

Reykjavík Bókmenntaborg UNESCO styður við verkefni sem snúa að nýrækt og grasrótarstarfi á sviði orðlista í Reykjavík í víðum skilningi. Skáld og aðrir listamenn, grasrótarforlög og félagasamtök geta sóst eftir stuðningi og / eða samstarfi við Bókmenntaborgina til að koma hugmyndum í framkvæmd, hvort sem þær felast í að koma á fót viðburðum fyrir almenning, smiðjum, skólatengdum verkefnum, þjónustu við ferðamenn eða öðrum verkefnum á þessu sviði. Ekki er stutt við útgáfu einstakra bókmenntaverka nema í tengslum við hátíðir eða aðra viðburði sem Bókmenntaborgin á aðild að, svo sem Lestrarhátíð í Bókmenntaborg.

Tekið er við umsóknum allt árið. Þær eru lagðar fyrir stjórn Bókmenntaborgarinnar og berst umsækjanda svar eigi síðar en 8 vikum eftir að umsókn er skilað, nema yfir sumarmánuðina. Skila skal greinargóðri lýsingu á verkefninu, tíma- og kostnaðaráætlun. Hljóti verkefni stuðning þarf að skila greinargerð um framkvæmd þess að verkefninu loknu.

Umsóknir skulu berast á netfangið: bokmenntaborgin@reykajvik.is

Nánari upplýsingar veitir Kristín Viðarsdóttir, verkefnastjóri: kristin.vidarsdottir@reykjavik.is.