Beint í efni

Dularfulla hjólahvarfið

Dularfulla hjólahvarfið
Höfundur
Brynhildur Þórarinsdóttir
Útgefandi
Bókabeitan
Staður
Reykjavík
Ár
2022
Flokkur
Barnabækur

Myndir eftir Elín Elísabetu Einarsdóttur

Um bókina

Enn er eitthvað dularfullt á seyði í hverfinu. Reiðhjól hverfa úr hjólaskýlinu við blokkina sem Katla, Hildur og Bensi búa í. Krakkarnir taka til sinna ráða og reyna að komast til botns í málinu. Rannsóknin tekur óvænta stefnu en skyldi þeim takast að leysa gátuna, aftur?

Úr bókinni

Hildur dæsti vesældarlega. "Bensi er í sóttkví og við getum ekki hist og heldur ekki talað saman."

"Af því hann missti símann sinn ofan í klósettið," skríkti Katla.

Hildur gaf henni olnbogaskot.

Pabbi leit áhyggjufullur á Hildi. "Æ, hver er smitaður, er það mamma hans?"

"Já, og pabbi hans líka. Hann er í sóttkví hjá mömmu sinni," útskýrði Hildur dauf í dálkinn.

"Er mamma hans mikið veik?" spurði pabbi?

Hildur yppti öxlum og varð skömmustuleg á svipinn. Katla bjargaði henni með því að spyrja pabba: "Hvernig töluðu krakkar saman í gamla daga, sko þegar þú varst lítill og það voru engir símar til?"

Pabbi hló. "Við gátum nú alveg hringt. Það voru öll heimili með heimasíma."

Hildur varð þung á brún. "Þau eru ekki með heimasíma."

Pabbi hugsaði sig um. "Þið getið farið út á svalir og hrópað á milli."

Hildur hryllti sig. "Þá heyra allir í hverfinu hvað við erum að tala um. Það er ekki hægt því við þurfum að leysa glæpamál."

"Glæpamál?" Pabbi klóraði sér í skegginu. "Hvað eruð þið nú að brasa?"

(s. 17-18)

Fleira eftir sama höfund

Óskabarn : bókin um Jón Sigurðsson

Lesa meira

Blávatnsormurinn

Lesa meira

Áfram Óli

Lesa meira

The Saga of Njáll

Lesa meira

Af Artúri konungi, Gunnari á Hlíðarenda og Fróða Bagga: Fornsagnamatreiðsla fyrir börn

Lesa meira

Allt í lagi Reykjavík

Lesa meira

Af lopakörlum og prjónakerlingum

Lesa meira

Byrgir söguþekkingin sýn? Sýning á bronsstyttum þriðja ríkisins

Lesa meira