Úr Fyrir kvölddyrum:
Birtan er ekki beinlínis annarleg, þó
egghvöss
svo einkennilegt sem það virðist
því aprílskin er að baki.
En með því að okkur veittist heimild
til að halda kyrru fyrir í ró
á þessum garðbekkjum
og hjá þessum litverpu trjám
þennan dag, unz sól
sígur að fjöllum
--------------
Flest er það í brotum
sem við berum okkur í munn.
Lokum nú augum
eitt andartak.
Hvílumst. Hlustum ef við getum
á lífið -
hina löngu hugsun.
þá skulum við förunautar
fagna þeirri bóngæzku
og skiptast eins og stundum endranær
á stökum spurningum
og fleiru
sem falla kann til, ef að vanda lætur.
Notalegt verður að strjúka samtímis
silfurhvítt skegg
í saltri hafátt.