Beint í efni

Bókamessa í Bókmenntaborg

Á Bókamessu í Bókmenntaborg koma saman bókaútgefendur, höfundar og lesendur og eiga saman helgi þar sem orðlistin er í öndvegi. 

Bókamessa í Bókmenntaborg

Fyrsta Bókamessa í Bókmenntaborg var haldin árið 2011 í Ráðhúsinu og Iðnó. Síðan þá hefur Bókamessa vaxið ár frá ári og er nú einn af stóru viðburðunum í bókmenntalífi borgarinnar. Bókamessa flutti í Hörpu árið 2016 og leggur þar undir sig Flóa og salina Rímu A og B.


Á Bókamessu koma saman bókaútgefendur, höfundar og lesendur og eiga saman helgi þar sem orðlistin er í öndvegi. Fjölbreytt og skemmtileg bókmenntadagskrá fyrir alla fjölskylduna er í tengslum við Bókamessu og lesendur geta nælt sér í glóðvolgar bækur á góðu verði beint frá útgefenda. Verkefnið er samstarfsverkefni Bókmenntaborgarinnar og Félags íslenskra bókaútgefenda.

Bókamessa árið 2022 er dagana 26. -27.  nóvember.