Hjörtur Pálsson sá um útgáfuna og skráði skýringar og viðtöl.
Af bókarkápu:
Í þessari bók eru einstæð bréf, sem Þórbergur Þórðarson, rithöfundur, sendi þeim stöllum, Lillu Heggu og Biddu systur, sem kunnugar eru sem persónur úr bók hans ,,Sálminum um blómið. Bréfin eru skrifuð á árunum 1952 til 1971 og koma nú í fyrsta sinn fyrir almenningssjónir.
Þetta eru engin venjuleg sendibréf. Í þeim fjallar Þórbergur um ótrúlegustu efni, skráir hnyttnar athugasemdir um nafngreint fólk, en gerir þó jafnan mest grín af sjálfum sér. Bréfin eru í ýmsum tóntegundum, ýmist fjallar Þórbergur af hjartans einlægni um alvarlega hluti eða þá að það ískrar í honum hláturinn, þegar hann er að tala við vinkonur sínar á pappírnum.
Hjörtur Pálsson hefur tekið saman skýringar með bréfunum og skráð minningarbrot aðalpersónanna um Sobbeggi afa og fleira fólk, sem kemur við sögu. Þá er í bókinni mikill fjöldi skemmtilegra mynda.