Um þýðinguna
Valin ljóð eftir sænska ljóðskaldið Karl-Erik Bergman.
Úr Ljóð á landi og sjó
Sub marin
Að synda gegnum möskva
er hættulegur leikur fyrir fiska.
Möskvar geta svo hæglega flækt bráð sína fasta.
Bara að fara of nálægt netinu,
getur verið hættulegt.
Ég fann eitt sinni skerandi þræði netsins
logsvíða hörund mitt.
Hræddur
við þetta óendanlega langa og djúpa net
dró ég mig í hlé niður í djúpið dimma.
Í útfjólublárri birtunni þar
getur veröldin allt eins verið appelsína
og ég sjálfur lítil rækja í þanginu.