Nokkur almenn orði um kulnun sólar er þrettánda ljóðabók Gyrðis Elíassonar sem heldur áfram að einfalda ljóðmál sitt í þessari einstöku bók. Ljós og áhrifaríkur skáldskapur, prýddur þeirri myndvísi sem einkennir verk Gyrðis Elíassonar, blandast hér gamansemi og náttúrulýrík af ýmsu tagi, heitum tilfinningum og ótta sem er nær yfirborðinu en oft áður. Þá geymir bókin hvassa samfélagsgagnrýni í afstöðu sinni til náttúrunnar og þess smáa sem hún geymir.
Úr Nokkur almenn orð um kulnun sólar:
Á uppleið
Dordingull fikrar sig
upp léttspunninn þráð
þetta kvöld í gamla
kirkjugarðinum,
eins og dýrlingur
á leið til himna
Stjörnufræði fyrir byrjendur
Venus á kvöldhimninum,
maður hugsar um gufuhjúpinn
og ofurhitann. Kannski var þar
merkileg siðmenning sem
við vitum ekkert um og leið
undir lok af sömu orsökum
og ógna okkur hér
Hvernig bíla skyldu þeir
hafa átt?