Um þýðinguna
Safn ljóða eftir norska skáldið Paal-Helge Haugen í þýðingu Aðalsteins.
Úr Tré hreyfa sig hægt
sumaráætlun handa Jan Erik
I
Láttu niður í bakpokann og taktu gula rútu út úr bænum.
Gefðu úrið þitt einhverjum sem þarf á því að halda, farðu inn
í skóginn. Vertu þar.
II
Deildu matnum þínum með skóginum. Sofðu með skóginum, vertu
vakandi með skóginum. Þegar þú sérð héra með hvítt í feldi, skaltu
leita að gulu rútunni og fara upp í hana. Þetta er haustið.