Jóna Valborg Árnadóttir

Æviágrip

Jóna Valborg er fædd 1973 í Reykjavík. Hún lauk stúdentsprófi frá Verzlunarskóla Íslands og B.A. gráðu í íslensku, M.Paed. gráðu í íslensku og kennslufræði og MS gráðu í mannauðsstjórnun frá Háskóla Íslands. Hún er með kennsluréttindi og diplóma í verkefnastjórnun. Á unglingsárum lék Jóna Valborg með hinum ýmsu áhugaleikfélögum. Hún dvaldi um hálfs árs skeið sem Erasmus-skiptinemi við dramatúrgíu-deild háskólans í Árósum.

Jóna Valborg hefur starfað við markaðs- og kynningarmál, verkefna- og viðburðastjórnun, ritstjórn, almannatengsl, mannauðsmál og sýningarstjórnun. Um tíma kenndi hún framhaldsskólanemendum íslensku, lífsleikni og leiklist. Á árunum 2004 til 2006 sat hún í ritnefnd tímaritsins Börn og menning.

Ritstörf hafa fylgt Jónu Valborgu svo lengi sem hún man eftir sér en árið 2013 kom hennar fyrsta bók út. Brosbókin hlaut Vorvindaviðurkenningu IBBY og tilnefningu til Íslensku bókmenntaverðlaunanna. Bækurnar vinnur hún með Elsu Nielsen, grafískum hönnuði og myndskreyti.

Vorið 2019 dvaldi Jóna Valborg um þriggja vikna skeið við skriftir í Åmål í boði AIR Litteratür Västra Götaland. Hún er félagsmaður í SÍUNG og Rithöfundasambandi Íslands og hefur á þeirra vegum tekið þátt í bókmenntaverkefninu Skáld í skólum.

Frá höfundi

Á ferðalagi með fjölskyldunni kviknaði hugmyndin að fyrstu bókinni. Yngri sonur minn sem þá var fjögurra ára sat í bílstólnum sínum og það leyndi sér ekki að hann var í fýlu. Mig langaði að hressa hann við svo ég sagði: „Hvar er brosið þitt? Datt það á gólfið, er það ofan í sokknum þínum, flaug það kannski út um gluggann?“ Hugmyndin um bros sem hleypur á brott kviknaði. Brosbókin kom út árið 2013. Hún var tilnefnd til Íslensku bókmenntaverðlaunanna og hlaut Vorvindaviðurkenningu IBBY. Það var draumi líkast fyrir mig að fá slíka viðurkenningu. Ég hélt áfram að skrifa. Það komu fleiri bækur. Allar myndskreyttar. Hugmyndin kemur fyrst, síðan textinn og með honum myndir í huganum. Myndirna vísa jafnvel út fyrir textann. Ýta undir ímyndunaraflið. Nornir verða hjálpsamar, prinsessur geðvondar, bros fær hendur og fætur, mömmur fara í krummafót. Það er allt hægt. Það verður til samtal. Hvað gerir þú þegar þú týnir brosinu þínu? Hefur þú talið spagettí? Hvað eru hárin á höfðinu mörg? Hvað gerir þú þegar þig vantar knús? Það er gott að spjalla yfir góðri bók. Tjá sig. Hlæja og velta vöngum. Ferðast saman í huganum. Saman umframallt saman. Það besta er svo að heyra sagt hátt og snjallt þegar bóklestrinum lýkur: „Aftur!“

Það er nefnilega ekki hægt að fá nóg af góðum bókum.

Greinar

Um einstök verk

Knúsbókin

María Bjarkadóttir: "Dans, knús og gæludýr. Þrjár myndabækur fyrir yngstu börnin"
Bókmenntavefurinn, umfjöllun um bækur, sjá hér

Verðlaun

Tilnefningar

2013 - Íslensku bókmenntaverðlaunin: Brosbókin

2013 - Vorvindaviðurkenning IBBY

2022
Penelópa bjargar prinsi

Lesa meira
2020
Systkinabókin
Lesa meira
2019
Kormákur dýravinur
Lesa meira
2019
Kormákur leikur sér
Lesa meira
2018
Kormákur krummafótur
Lesa meira
2018
Einn, tveir og Kormákur
Lesa meira
2016
Hetjubókin
Lesa meira
2015
Vinabókin
Lesa meira
2014
Knúsbókin
Lesa meira

Kötturinn sem átti milljón líf, Hvíti björninn og litli maurinn, Systkinabókin

Útgáfa myndabóka fyrir börn er afar fjölbreytt í ár, bæði þegar um er að ræða frumsamin íslensk verk og þýðingar á erlendum bókum. Hér verða skoðaðar þrjár nýútkomnar myndabækur, tvær þar sem dýr eru í aðalhlutverki og svo systkinasaga, þar sem aðalpersónan eignast lítinn bróður og þarf að takast á við ýmsar breytingar sem því fylgja.

Lesa meira

Af hundum og hetjum

Myndabækur fyrir yngstu börnin eru yfirleitt fullar af gagnlegum lærdómi, þar sem er reynt að koma á framfæri ýmsu sem snertir tilveru barna, á hátt sem þau skilja. Oft er fjallað um hversdagslegar aðstæður sem börn geta lent í eða vandamál sem þau geta staðið frammi fyrir og stungið upp á lausnum. Myndirnar eru afar mikilvægar fyrir söguna og bæta miklu við textann sem er gjarnan einfaldur og skýr; þær eru gjarnan fullar af smáatriðum sem segja hluta af sögunni, auk þess sem hægt er að sýna svipbrigði og tilfinningar persóna til að gera söguna dýpri og gæða hana lífi.. .

Lesa meira

Freyja Dís, Knúsbókin og Skrímslakisi

Myndabækur ætlaðar yngstu lesendunum þurfa bæði að hafa áhugaverðan söguþráð og myndskreytingar sem grípa ekki bara augað heldur líka hugann. Samspil mynda og texta mynda heild sem er lesin saman og oft færa sögurnar lesendum boðskap. Þegar vel tekst til fær ímyndunarafl lesandans þannig að njóta sín út frá söguþræði og myndskreytingum á sama tíma og hann lærir sitthvað um lífið og tilveruna. Myndabækurnar Freyja Dís sem vildi BARA dansa og dansa, Knúsbókin og Skrímslakisi eru mjög ólíkar bækur þar sem vel tekst til bæði við að virkja ímyndunarafl lesandans og vekja áhuga hans.

Lesa meira

Æviágrip

Frá höfundi

Greinar

Um einstök verk

Knúsbókin

Verðlaun

Tilnefningar

Penelópa bjargar prinsi

Systkinabókin

Kormákur dýravinur

Kormákur leikur sér

Kormákur krummafótur

Einn, tveir og Kormákur

Hetjubókin

Vinabókin

Knúsbókin

Kötturinn sem átti milljón líf, Hvíti björninn og litli maurinn, Systkinabókin

Af hundum og hetjum

Freyja Dís, Knúsbókin og Skrímslakisi