Í Krukkuborg : ævintýri handa börnum (In Jar City: a fairy tale for children)

Myndir eftir höfund.

Úr Í Krukkuborg:

Húsin í Krukkuborg eru úr kórölum, og í görðunum vaxa þörungatré og litsterk sjávarblóm. Við aðaltorgið trónar hásætið hans Trants Truntusonar fyrir framan afar skrautlega kóralahöll, og í hásætinu hímir hann sjálfur. Þetta er stór og ljótur, en mjög skrautlegur fiskur með gríðarstóran munn, sem er alsettur hárbeittur tönnum. Þær eru næstum því óteljandi.
Hinum megin við torgið er fangelsið.
Þetta lítur út fyrir að vera skemmtileg borg, en það er ekki þar með sagt, að hún sé það.
Nokkrar kyndugar skepnur líða um göturnar og virðast ósköp sljóar.
En Trantur fylgist með öllu og blimskakkar augunum í ýmsar áttir.
Nú koma þeir, Kolkrabbi og Siggi.

(s. 11)