Beint í efni

Emil og Skundi

Emil og Skundi
Höfundur
Guðmundur Ólafsson
Útgefandi
Vaka-Helgafell
Staður
Reykjavík
Ár
1986
Flokkur
Barnabækur

Úr Emil og Skunda:

Konan gekk útúr eldhúsinu og inní nærliggjandi herbergi. Þar lá hvolpurinn í kassa. Hann var sofandi þegar þau komu inn. Móðir hans reis upp útí horni og horfði grunsemdaraugum á þau. Átti nú að taka þennan frá henni líka?

- Þetta er allt í lagi, Rósa mín, sagði konan við tíkina sem lagðist aftur niður en hafði augun opin og fylgdist með því sem fram fór.

Emil horfði bergnuminn oní kassann á þetta litla dýr sem lá þar. Hvolpurinn var svo fallegur að Emil fékk kökk í hálsinn og langaði mest til að taka hann í fangið og kjassa hann. Konan greip með annarri hendinni utanum hann og tók hann upp. Hvolpurinn opnaði augun syfjulega og leit á þau.

- Jæja, hvernig líst þér á hann? spurði konan og leit á Emil. Emil kyngdi.

- Bara vel, sagði hann.

Konan rétti honum hvolpinn. Emil fannst einsog hann hefði aldrei snert nokkuð eins mjúkt. Hann hélt honum uppað sér. Hvolpurinn leit á hann og sýnilega ánægður með það sem hann sá lygndi hann aftur augunum og hélt áfram að sofa.

(s. 31-32)

Fleira eftir sama höfund

Lísa og galdrakarlinn í Þarnæstugötu

Lesa meira

Klukkuþjófurinn klóki

Lesa meira

Fader vår

Lesa meira

Heljarstökk afturábak

Lesa meira

Emil, Skundi og Gústi

Lesa meira

Emil og Skundi - allar sögurnar

Lesa meira

Emil og Skundi - Ævintýri með afa

Lesa meira