Úr Fallegri en flugeldar:
III
Í morgunsárið greiðir hún sér með trékambi. Hægt með föstum strokum. Vöxturinn er svo mikill að hana kitlar í svörðinn. Hún strýkur hendinni yfir gróðurinn. Finnur blóm springa út undir fingurgómunum. Sóleyjar og baldursbrár. Hún leggur kambinn frá sér. Fer út í garðinn og krýpur. Kippir upp kartöflugrösum. Rótar og grefur með berum höndum. Djúpt ofan í moldinni finnur hún sætar og safaríkar appelsínur.
