Leiðirnar til himna
Lesa meira
Leiðirnar til himna
„Veistu hvers vegna ég skemmti mér svona konunglega?“ spyr ljóðmælandi ljóðsins „Ó reiða kona“. Svarið er einfalt: „vegna þess að ég er ung kona“. Nú er ég kannski ekkert sérstaklega ung kona lengur, en skemmti mér þó konunglega yfir ljóðum skáldkonunnar Soffíu Láru, í ljóðabókinni Leiðirnar til himna. Bókin kom út á síðasta ári, en eins og títt er með sjálfsútgáfur rataði ekkert kynningareintak til okkar á Bókmenntavefnum og það var ekki fyrr en ungur samstarfsmaður benti mér á að þessi bók væri nýkomin inn á bókasafnið að ég vissi yfirhöfuð af tilvist verksins.