um bókina
Sorg og sár missir, ástin, einsemdin og vináttan eru viðfangsefni þessara ljóða. Sterkum og margvíslegum tilfinningum er hér af listfengi snúið í áhrifamikil ljóð.
Bókin skiptist í þrjá kafla. Í þeim fyrsta birtist okkur í ímyndaðri dagbók sjálf Látra-Björg, ákvæðaskáldið og kvenhetjan frá 18. öld sem hélt ótrauð og ein sína slóð.
Í næsta kafla eru formæður og fyrirmyndir hylltar og eftirminnilegum myndum brugðið upp af innri og ytri hamförum.
Þriðji kaflinn geymir svo aðra skáldskapardagbók, en í þetta sinn stendur nútímaskáldkona á krossgötum í margvíslegum skilningi og þarf að endurmeta líf sitt.
úr bókinni
Fjaðurmögnun
Fljúgandi
viðkvæmar og sterkar
magnaðar uppstreymi.
Fegurð í raunheimi, orðheimi,
ásýnd, áferð og hljómi.
Í sárum fellum við fjaðrir
svo nýjar brjótist út
úr lifrarrauðum og fjólubláum
taugum.
