Barnabók eftir Oscar Wilde: The Selfish Giant. Myndlýsingar eftir Áslaugu Jónsdóttur.
Úr Risanum eigingjarna:
Þegar börnin komu heim úr skólanum síðla dags voru þau vön að leika sér í garði risans.
Þetta var stór og fallegur garður með mjúkum grænum grasvelli. Hér og þar teygðu sig skrautleg blóm líkt og blikandi stjörnur upp úr grasinu.
Fuglarnir settust í trén og sungu svo blíðlega að börnin hættu leik sínum til að hlusta. Hér er gott að vera! kölluðu þau hvert til annars.
Dag einn kom risinn til baka. Hann hafði farið að heimsækja vin sinn, tröllið í Cornwall, og dvalist hjá honum í sjö ár. En þá var hann búinn að segja allt sem hann hafði að segja, enda umræðuefni hans mjög takmarkað og hann ákvað því að snúa aftur til kastalans. Þegar þangað kom sá hann börnin að leik í garðinum.
(s. 5-10)