Um bókina
Ljóðabókin Menn sem elska menn er hugleiðing um karlmennsku. Höfundur skoðar efnið í sögulegu og persónulegu ljósi, veltir fyrir sér vináttu og ást, hvernig tilfinningar mótast af hinu innra og ytra. Bókin samanstendur af þremur heildstæðum bálkum en er bundin saman af þemum, myndmáli og rödd sem talar bæði til og við lesandann.
Menn sem elska menn hlaut ljóðaverðlaunin Maístjörnuna 2021.
Úr bókinni
Menn sem elska menn
iv.
hefurðu horft í augu
Grænlandshákarls?
í þeim logar
dauf glóð geislakolefnis
brennur djúpt
í iðrum hafsins
glóð
í fjögur hundruð ár
í köldi hafi
glóð
eins og stjarna djúpt á himni
ást
þeirra
þolinmóð
takmarkalaus og
langlynd
með uppreistan ugga á baki
áfram áfram
í áttlausu hafi
þannig frá ljósi til ljóss
í hyldjúpi myrkri
er ást þeirra
er ást mín til þín
vinur minn
því við lifum
meðan við
hreyfumst
í efni eða anda
í þessu hafi
eða öðru
ást
mín
til þín
